'' Amore e litigi '' di Gennaro Ciampolillo

Amore e litigi
So' quarantann' ca sim' spusat',
oj quanta vot' ca n'amm' sciarrat.
lu prim' juorn', vir' lu demonio,
fuj proprj lu juorn' r' matrimonio.

Ra quir' mument', quant'ammuin',
fatt' la sera e po' la matin';
io ca ricev' «no» e essa ca riceva «sì»
e, bene o male, è ancora accussi.

O p' nu mutiv' o p' nu problem',
pur' la casa m' par' ca trem',
ma chi r' vuj, ca qua è present',
a na mugliera s' fir' r' sent'?

Na vota è la sposa, nata vota lu spos',
rimm' na casa a 'ndo' trov' ripos'.
Cert', s' sciarr' p' doj fssarij,
in ogni famiglia... maronna mij.

Ci stann' cummedij, allucc' e mazzat'
però a la sera, tutt' e duij abbrazzat'
s' rinn': «Tesor', ma quant' si bell'»
«È meglj nu vas' ca st'tarantell'?» 		L'amore, si sa, lo dice il proverbio,
vince, alla fine, su ogni diverbio.
Vale per tutti, una sola maniera:
«Facit' la pace, marit' e mugliera».

«Rimm', a che serv'chiamà l'avvucat'?
Sp'nnit' li sold' e che guaragnat'?
Li guaj, li figlj e quanta prublem';
è meglj nu sciarr' e la casa ca trem'.

Lasciateli in pace, st'amici avvocat',
peggio è p' vuj ca po' v' sciarrat',
p'rdit' lu tiemp' e lu cor' s'ammal'
a saglj e scenn' p' sti tribunal'.

Io mo' v' ru dic' com' s' face
per viver felici e tutt' e duj in pace.
Cu doj parol' e ti spiego cum'è:
«Tu suppuort' a essa e essa supposta a te»

Allor', e capit' che bell' cunsiglj
e, prima ca raggia e nierv' v' p'glj,
rall' nu vas', abbrazza la moglj
e giat'v' a corc'... ru vi ca s' spoglj.
 
Gennaro Ciampolillo

__________________________________________

Pagina Precedente Indice Pagina Successiva
Home